--------------------------------------------------------------------------------
السلام عليكم شله
اليوم جبت اسباب مهمه عن الشباب
طبعا اغلب البنات يشكون ويتذمرون من الولد
لانه يصادقون 2 او اكثر بنفس الوكت
ويعتبروها خيانة وتشوفهم وين ميروحون يكولون الولد خونة وعملاء وماادري شنو هع
ولمن يسألون الولد ليش انت هيجي يجاوب الجواب التقليدي (مو كل الولد هيج واني خوش ولد اختلف عنهم)
اني حاولت اسوي بحث ع هذا الموضوع هع وبحثته من عدة جوانب
وجدت انه تتركز في اسباب حاولت اختصارها فيما يأتي
أولــــا
بالعراق بعد الحرب وبعد العمليات الارهابية الكثيرة اللي طالت ابناء شعبنا والمشكلة الاغلبية من اللي دينكتلون ولد والنسوان ديبقون وحدهم ويعانون
حتى يكلك العراق هسة 67% نسوان و33 % ولد
وبما انه اعمار المراهقين هية نسبة جبيرة بين السكان
يعني لو نلاحظ كل ولد بعدال بنية ونص
بما انو نص الولد مشغولين باعانتهم للاهل لان اغلب العوائل فقدت رياجيلها بالحروب
فتقريبا الولد اللي يريدون يحبون بهاي الفترة نص عدد البنات
وبذلك خوفا على البنات من الفراغ العاطفي اللي لازم نسده
فكل ولد يصادق 2 والكل فرحانيين
ثانيا
الوضع الامني صعب ومال تطلع تفرفر مثل قبل مستحيل
وعلميا الولد يحب ويحتاج للحركة ضعف البنية يعني البنية لمن متطلع منا لشهر عادي بس الولد تفرق
ولكي يسد هذا الفراغ وحتى يعوض الطلعة فمن حقه يصادق 2
ثالثا
يكولون ليش متصيرون مثل الاجانب وتحبون بس وحدة
اني اكلهم الولد لمن برة يصادق وحدة مثلا باوروبا يطلع وياها ويتمشون ويلزم ايدها و تطورات اخرى مااذكرها انتو تعرفوها هع
بينما البنية هنا تدزلها هذا السمايل تكلك استغفر الله
فمن حقه يصادق 2 حتى يعوض
رابعا
الولد يدورون شكل حلو للبنية اكثر مما البنية تدور شكل حلو للولد وبما انه نسبه قليله من العراقيات ينطلع بيهم ( بدون زعل صبايا ) هع
فمن حقه يعوض هذا الشي ويصادق 2
اعتقد هاي الاسباب كلش كافية
مو شباب ؟؟
حتى بعد لتصفنون
بينما البنات لو حبتلها 2 بنفس الوكت
رح يصير نقص بالسكان ورح تحرم غيرها من ثمرة الحياة
ولهذا اتمنى بعد ولا وحدة من البنات تحجي
طبعا هذي للي ميكدرون يتحملون بس وحدة وحتى يجاوبون البنات
( الموضوع لا يعبر عن رائ ناشره )
وتحياتي للكل
موضوع: ليش الولد يصادقون بنات 2 بنفس الوقت !!!!!!!!! 
